政情：同僚忙撲火 財爺掛住玩

立法會本月中趕及暑假休會前通過俗稱樓市「辣招」嘅雙倍印花稅條例草案，財政司司長曾俊華（鬍鬚曾）即時話放下心頭大石，但同一時間港府都有多個新火頭湧現，包括添馬艦政府總部新增圍板令「門常開」變「門常關」，政改方案「袋住先」同「真普選」嘅討論漸趨白熱化等。鬍鬚曾身為問責高官理應幫手出謀獻策「拆彈」，不過佢竟然有時間去咗荷里活道已婚警察宿舍活化而成嘅「PMQ元創方」，疑似一副懶理世事嘅模樣。