壹傳媒老闆肥佬黎再被揭發向多名泛民政團及個人秘密捐款逾四千萬元，其中更口口聲聲承認向民主黨現任立法會議員涂謹申、公民黨議員毛孟靜及前議員陳淑莊各捐過五十萬元作選舉用途。不過，三人連日均矢口否認收過肥佬黎任何捐款，但又唔追究肥佬黎亂噏或告肥佬黎誹謗喎，當中身為大律師嘅陳淑莊仲話要「以和為貴」添，認真莫名其妙。三人咁蝕底甘願受屈，究竟所謂何事呢？莫非係買肥佬黎怕？抑或雙方隱藏不可告人嘅秘密呢？
