榕樹頭明晚舉行街舞派對

設懷舊金曲 料逾百人參加

應邀參與「自由擺」的「節拍攻擊」街舞青年Hongboy接受訪問時坦言是首次在榕樹頭跳街舞，感覺特別。連同他在內，明晚會有十名舞者一起演出，舞者又會帶同朋友到來「比舞」，預料會有過百人一齊跳街舞，場面盛大。「唔識跳舞唔緊要，想試下都可以出嚟一齊跳，我哋會教你，總之唔好怕醜，唔好抱住淨係嚟睇下嘅心態，呢度將會喺一個大Party！」Hongboy歡迎觀眾隨時加入，不論年紀，「如果伯伯有Feel，都會捉佢出嚟一齊玩。」

為配合榕樹頭氣氛，Hongboy透露，「自由擺」有半小時懷舊金曲環節，由DJ播放多首七十至九十年代的粵語經典流行曲，相信會引起觀眾共鳴。西九劇場發展主管劉祺豐則稱，西九文化區不應只在西九，而要超越地理界限，「自由擺」會走勻各區，與不同地區人士文化交流，讓他們參與其中，做到藝術走入社區。