中銀卡換領優惠安排差
「成六、七十人排隊換戲飛，仲要逐個逐個即刻簽帳一蚊去換，搞到排咗兩個鐘先換到！」黃小姐早前參加中銀信用卡簽帳優惠，憑卡於本地簽帳滿六百元即可以一元換購戲票，惟前往沙田換領戲票時竟要大排長龍，不滿銀行換購安排失當，有折騰客戶之嫌。
中銀信用卡發言人表示，是次推廣活動部分禮品於首兩日內換罄，對客戶未能換購心儀禮品致歉，強調已即時聯絡商戶，作出相應措施以及安排以滿足客戶需求。
客戶促縮減輪候時間
發言人續稱，今年「$1換購優惠」全新引入電子化服務，客戶毋須出示簽帳存根，透過致電登記熱線登記，即可輕鬆換購精選禮品，但禮品均為先到先得，換完即止。
「如果係電子化服務，就唔好叫人即席簽帳啦，嗰一蚊咪喺信用卡扣囉，下次都要考慮吓係咪再參加！」黃小姐建議，中銀改善換領安排，減少客戶輪候時間。