入夜鎖殘廁 領匯拒行方便
東涌逸東邨位置偏僻，僅由領匯管理的逸東街市及商場設有公共洗手間，但每至商場街市關門後，公廁不對外開放，令夜更司機及有需要人士被迫到附近隱蔽處「解決」，衍生衞生問題。區議員指房署多年來均以「冇位」為由，拒於邨內加設公廁，領匯亦拒絕廿四小時開放街市底層外圍的傷健人士洗手間，令人有三急者「有廁入不得」。
「成條邨只得領匯個場有公廁，但夜晚商場同街市都閂晒，我哋做司機嘅，埋站抖幾分鐘就要開車，人有三急惟有搵啲隱蔽啲嘅地方就地解決囉。」林先生為職業司機，經常往來逸東邨巴士總站，指邨內只有商場及街市設洗手間，但領匯卻拒絕廿四小時開放，房署則僅着他向保安借用職員洗手間，坦言甚為不便，「其實街市地下個殘廁係向街嘅，根本唔喺街市入面，如果領匯肯鎖剩呢個廁所就乜問題都解決晒，點解行個方便都唔肯？」
另一邊廂，家住逸東邨的林伯為輪椅使用者，同時有尿頻問題，由巴士總站返回住所需時近十五分鐘，曾多次下車後急需使用洗手間，「伯爺公忍唔到返屋企，有時同佢出街夜返啲，廁所鎖晒，惟有用膠袋或者匿埋解決。」林太希望邨內可增設廿四小時開放的洗手間，解決長期病患者「無廁可去」之苦。
領匯保安為由拒開放
「逸東邨位置隔涉又近機場，好多通宵車嘅總站都擺喺嗰度，街坊同啲司機都好想有個廿四小時開放嘅廁所，其實只係一個好微小同簡單嘅願望，但就一路都冇辦法達成！」當區區議員兼立法會議員鄧家彪指出，有關問題已出現多年，惟房署卻一直以冷淡態度回應居民訴求，領匯則以保安為由，拒絕二十四小時開放位於街市外圍的傷健人士洗手間，令問題解決無期，「個廁所又唔係喺街市入面，鎖少一個廁所又唔會增加成本，點解咁簡單嘅便民措施都唔肯做？」
領匯發言人僅稱，基於日常運作及保安需要，未能安排二十四小時開放逸東街市及商場洗手間。
房署稱「無位」難增設
房屋署發言人則承認，過往曾經接獲屋邨範圍內增設公眾洗手間的建議，惟因欠缺合適地點而無法增設，公眾人士如有需要，可到逸東邨巴士總站附近向保安員借用職員洗手間，或可步行往食環署於達東路二十四小時開放的公廁。
發言人強調，倘發現有人在屋邨範圍內隨處便溺，該署職員會報警或按「屋邨管理扣分制」處理。
記者：伍思明、攝影：馮國豪