政情：公民講場：財爺暗寸泛民唔係「真母親」

泛民主派上星期要求政府調動財務委員會議程，先行審議民生有關嘅議程，仲承諾唔會就民生議題「拉布」。議員李卓人仲批評，如果政府死都唔肯調動議程，即係「假重視」民生議題，同《聖經》嘅所羅門故事中嘅「假母親」一樣，寧願自己個仔被殺害都唔肯放棄爭奪撫養權。財政司司長曾俊華（鬍鬚曾）尋日就透過網誌反駁話，其實財委會討論嘅都係民生議題，嚴格嚟講每項都係「母親的兒子」，所以泛民只肯保護自己喜愛嘅兒子，放棄一啲佢哋針對嘅兒子，暗寸泛民唔係「真母親」。