近期《城市論壇》幾乎次次都係初則口角、繼而動武，情況愈演愈烈，真係教壞細路。不過，前沙田區議員蔡耀昌（九哥）尋日抱埋兩歲大嘅囡囡出席及發言，唔通佢唔驚混亂？九哥解釋，皆因星期日外傭放假，老婆又有嘢做，為免獨留兒童喺屋企，惟有帶埋囡囡出嚟，一方面了解吓社會發生乜事，順便玩吓，仲話已非首次咁做喇。現場所見，九哥個囡囡喺論壇早期跟住人拍掌，九哥發言期間，囡囡就伏喺佢膊頭瞓覺，佢講笑話唔知係囡囡太攰，定係其他講者講得太悶，所以咁好瞓喎！
