政情：中環出更：孫女報小學 吳宏斌反「篩選」
提升快樂指數基金（基金）及清華大學（香港工商界）校友會尋日合辦心理健康午餐講座，請來香港知名精神科專家黃重光醫生傳授健康貼士。未開場，基金主席吳宏斌（Dennis）就勁呻反對「篩選」，原來佢個孫女報讀某間小學，面試咗四次仍未有結果，唔講仲以為佢講緊政改方案添！Dennis話，件事反映香港教育制度好有問題，特別係畀家長帶來好大嘅精神壓力，唔怪得香港人壓力咁大喇！
黃重光醫生話，調查顯示香港有四分之一嘅人患有精神心理疾病，所以要活得健康快樂，精神及心理健康特別重要。他奉勸大家要多吃蔬菜、多做運動之餘，仲要記得多啲笑。
快樂秘訣 楊志雄話湊孫
基金副主席兼「耳機大王」楊志雄分享佢嘅快樂秘訣，就係湊孫喇！佢個孫已歲幾，勁得意，一見到個孫就煩惱都冇晒。過多兩個月，佢個囡囡快將幫佢添多名女外孫，到時就加倍開心。
出席聚會嘅仲有校友會會長吳國安、從事珠寶生意嘅陳祖成、仁愛堂副主席羅台秦及丈夫戴澤良（Tony）、中華廠商聯合會常董張胡詠琚及會董張壽文等人。好注重運動嘅Tony話，佢每日至少做一個小時運動，主要係喺健身房做器械。曾經有一段時間，每日行三十幾層樓梯上住所，然後搭電梯落樓，再行上三十幾層，如是者來回三次。後來因為行樓梯始終對膝蓋有壓力，所以先改變運動習慣。
卓妮