平等機會委員會主席周一嶽（周一鑊）早前公布，會就《歧視條例》檢討做公眾諮詢，但就引來唔少爭議，被批評四圍點火頭。其中「香港本土」成員范國威及毛孟靜尋日主動發炮，話內地新移民同香港人係同一族裔，質疑周一鑊將新移民納入《種族歧視條例》保障範圍，但另一方面又要畀新移民同港人同等待遇，例如居港未滿七年就可以輪候公屋等福利，搞到中港矛盾尖銳化。周一鑊今次檢討《歧視條例》辣着晒啲火頭，睇怕佢嚟緊都唔會好過。
