中風漸改善 阿健求針灸費
關永健正值壯年，兩年前正為事業及前途拚搏之際竟突然中風，不但頓失工作能力，更因而患上運動障礙，四肢無法動彈。為求改善四肢活動能力，阿健不惜耗盡積蓄求醫，未料情況稍有好轉，改靠綜援維生的阿健已無力負擔每月的針灸開支，希望透過東方日報慈善基金呼籲善長施援，得以繼續接受治療，早日重拾健康。
「日日瞓喺床度等人照顧，自己咩都做唔到，真係唔想咁就一世！」現年四十四歲的阿健憶述，中風入院初期，礙於四肢完全失去活動能力而無法自理，曾被迫入住護老院數個月，坦言大感煎熬。為重過新生活，阿健除接受物理治療外，亦耗盡畢身積蓄尋偏方療法，但求盡快令四肢恢復知覺，「以前喺出入口公司做，都叫搵到吓錢，生活無憂，但為咗醫好個病，以前儲落嗰幾十萬眨下眼就冇晒！」
反思生命 當義工助人
一次中風，雖然令阿健頓失健康、積蓄甚至事業，但同時亦令他反思生命的意義，「自己冇諗過咁後生都會中風，有一排都失落過、唔開心過，但諗通咗之後，發現自己嘅經歷都可以鼓勵到好多人，於是就開始接觸義工服務！」阿健雖然失去工作能力，卻仍盡一己之力投身義務工作，探訪病友及獨居長者，希望以自身經歷向社會備受忽略的一群發放正能量。
經過漫長的治療後，阿健的四肢活動情況已有改善，可惜積蓄早已散盡，現僅靠綜援金維生的阿健已無法再支付每月約一千五百元針灸費用，擔心將要被迫停止治療。阿健希望善長能伸出援手，免情況再度惡化。
東華三院發言人證實，病人確診患上運動障礙，病情較為嚴重，現正於東華東院——香港理工大學王澤森中醫藥臨床研究服務中心接受針灸治療，院方醫師建議病人每星期接受兩次針灸治療，每次費用為一百八十元，以改善四肢活動狀況。
捐款編號：12570
記者：黃芷君