立法會財務委員會上周五在一片爭議及混亂聲之中，通過新界東北發展前期工程撥款，負責主持會議嘅財委會主席吳亮星（星爺）被指「強行」表決撥款，事後成為眾矢之的，之後幾日似乎少咗露面。不過，尋日我哋就發現星爺現身馬場，佢對於外界責難同質疑聲音一於好少理，自爆出街時冇人當面鬧佢，反而部分人仲讚賞佢做得好添！佢又話，有睇過街頭諷刺自己嘅塗鴉，強調唔同人有唔同表達方式，佢唔會干涉。估唔到星爺被人鬧爆仲自我感覺良好喎！
