立法會「拉布」戰持續，建制派議員陳恒鑌（Ben）就偷得浮生半日閒，日前一家三口到迪欣湖野餐，享受天倫之樂。不過，當日Ben開車去到迪欣湖，先至發覺現場冇晒泊位，最後排晒長龍，要等咗成一、兩個鐘先入到去。阿Ben就投訴話，迪欣湖附近嘅交通接駁麻麻哋，唔少市民都焗住開車到該處，估計當初迪欣湖開放時，可能低估咗市民對於泊位嘅需求，希望有關方面考慮喺附近搵地方，增加泊位喎！
