政情：李宗德提和富大埔生猛晒

巴西世界盃漸趨緊張，唔少城中名人都不惜捱夜睇波，身兼和富大埔足球隊會長嘅公民教育委員會主席李宗德亦唔例外，但佢大呻依家政局混亂，令佢睇波心情大打折扣喎！我哋有日下午喺金鐘中信大廈遇到李宗德，佢同幾位扶輪社嘅朋友喺一間快餐店傾偈，期間愁眉深鎖。不過，之後我哋同佢提起和富大埔，佢即時生猛晒，事關和富大埔重返香港的頂級聯賽，唔止球迷振奮，佢亦直言好開心。