綠色先鋒：崇尚衣道 不做盲潮

速食時裝 污染浪費

「覺得季尾衫賣唔出會好嘥，佢哋值得有second chance（第二次機會）！」Sam認為與其將季尾衫賤賣或棄置，倒不如讓Toby為舊衫「升呢」。Sam曾當時裝買手，深知速食文化影響下，製衣業大量生產和傾銷，造成嚴重污染，工人亦因長期吸入化學物質而危害身體。

Sam覺得，現今速食時裝過濫，除了令消費者墮入為便宜而買的陷阱之外，更容易成為copy cat，格調顯得隨波逐流。不做「盲潮」的Toby亦稱，「時裝目的為扮靚唔係扮人，着咗都唔代表你係千頌依啦！」

Toby由衣着至生活習慣都崇尚環保，卻謙稱自己不是「死忠」環保分子，「我會帶毛巾、筷子出街，近排熱，仲會帶檀香扇！」兩人帶着環保理念游走復古與潮流之間，力行別具一格的綠色「衣道」。