綠色先鋒：歷久裳新
時裝界潮女將舊衫「升呢」！於時裝行業打滾多年，見盡浪費，令設計師Toby萌生環保意念，將舊衣裳upcycle（升級再造），以獨特設計將舊衫變成新裝，亦鼓勵愛衫之人掉衫前要三思和善用舊衣。她堅持環保概念不只停留於「口噏噏」，誓言要付諸行動。
「自己實在太多衫喇！所以我決定將放咗成廿年嘅衫，拎出嚟upcycle！」在時裝界任職多年的Toby表示，深知行業裏極盡浪費，連自己亦因性格貪靚，常添置新裝，不少衣服未曾穿過，甚至價錢牌都未拆，卻已經感覺過時難再穿，為免「太嘥」，她忽發奇想，為舊衣服「升呢」！
被稱為「時裝醫生」的Toby坦言，即使是舊衣服亦有其特色，重新再造時會盡量保留，故由畫紙樣至落剪刀，都經常費煞思量。她尤其珍重復古時裝，因為不少設計既花心思，且細節精細，部分衣邊更可能是人手縫製，「當『睇完症』，一定要小心落（剪）刀，因為我係救緊件衫嘛！」
舊衣重新剪裁
為保留舊衣的原汁原味，但新設計又要不落俗套，Toby謂難度十足，「好似呢條本來係及膝長裙，我將佢一開三！」搖身一變，長裙變成短身上衣、半截裙，餘下的布碎裁成一個小手袋。另外，她又以花布舊衫重新剪裁成時款套裝，花布碎則放於另一淨色襯衣的領口，成為帶有懷舊風格、別出心裁的衣領。她還邀請友人時裝店店主Sam將已過時舊衣讓她重新設計，甚至為友人度身訂造新衫。
Toby的綠色原則以rethink（三思）為宗旨，勸喻愛衫之人不要覺得舊就掉，免加重堆填區負荷，她為「救衫」花盡心思，「堅持另類風格，設計出獨一無二嘅環保衫！」
圖：專案組
文：陳淑珍