貪曾貪湯毀港廉潔 市民鬧爆官官相衞
【本報訊】前特首「貪曾」曾蔭權爵士及前廉政專員「貪湯」湯顯明的豪花公帑事件，令香港「廉潔之都」的金漆招牌重創，即使昨日天氣酷熱，又不時落大雨，亦無阻市民上街意欲，鬧爆這兩名禍港庸官！
「本身好信任廉署，但係貪湯出現後，就令到我冇晒信心，因為估唔到廉署最高職位嘅人都會涉及貪污！」任職文員的陳小姐認為，「貪曾」做壞榜樣，在本港官場帶起一股貪腐風氣，令不少官員「睇佢頭」、「貪埋一份」，實非香港之福。
「絕對接受唔到貪污」
任職婚禮攝影師的鄭小姐認為，廉潔是本港的核心價值之一，必定要全力維護，「廉署係香港人引以為傲嘅事，但接連有『貪曾』、『貪湯』，令人覺得呢個政府官官相衞，失去信心。作為香港市民，係絕對接受唔到發生貪污呢啲事。」