探射燈：衞署：轉介跟進個案趨升
根據衞生署轄下母嬰健康院資料顯示，過去五年需要轉介醫管局精神科跟進的個案，持續上升，由○九年的九百六十宗增至去年的三千一百二十宗，而去年完成的三萬八千一百份問卷中，約百分之八的孕婦需接受產後抑鬱症治療。
家人留意情緒變化
「產後媽媽心理變化大，醫管局有關轉介媽媽到精神科專科嘅服務，開辦初期能夠喺一個月內，甚至兩星期內，便可成功轉介，但依家人數太多，服務根本應付唔到。」香港執業精神科醫生協會主席丁錫全表示，延遲醫治，會令產後抑鬱問題愈嚴重，「問卷唔單止產後要填，產前都應該填，因為情緒係會累積。」
丁指，當家人發現產前或產後媽媽出現失眠、暴躁、悲觀念頭，需要多加關注，盡早帶她們求醫，「佢哋可能會成日擔心照顧唔到小朋友、夠唔夠錢用，小朋友將來讀書嘅問題等等。」他建議醫管局應重新審視有關服務，讓有需要的媽媽盡快轉介至精神科。