政情：公民講場：失憶「雙雄」賊喊捉賊？

立法會行政管理委員會（行管會）前日下令，禁止五名被捕議員助理明日進出立法會大樓。幾位議員不滿決定，尋日出來抗議行管會「未審先判」，而代表被捕助理黃浩銘及黃永志出頭嘅議員「長毛」梁國雄，更在獄中去信立法會主席曾鈺成，批評行管會侵犯其助理嘅應享權利，不排除提出司法覆核。不過，佢哋好似唔記得，當初係有一班議員助理亂咁申請二十幾張訪客證，先有一班示威者可以秘密混入立法會大樓，再加上有助理被閉路電視影到逐層「拍卡」測試助理權限，先迫使行管會下逐客令，依家佢哋好似失憶咁，唔知呢啲係咪賊喊捉賊呢？