政情：「剛晶」馬場拍拖

今年馬季將近尾聲，好多名人都想趁煞科前入馬場湊吓熱鬧順道食飯，尋日沙田馬場跑夜馬，就畀我哋遇到馬場稀客喇！先有港協暨奧委會會長霍震霆現身，見佢同馬會主席施文信有講有笑並肩行上樓，隨後相隔約十分鐘後，就見到霍震霆兒子、香港青年聯會主席霍啟剛，帶埋太太郭晶晶拍拖入場。郭晶晶身穿一條黑色連身裙，配上桃紅色腰帶及手袋，兩手各戴一枚戒指，幸福現身。我哋聽啟剛講，原來尋晚施文信請食飯，所以佢就特登帶埋太太一齊入場陪吓爸爸喎。