淫賤黎呢輪亂噏廿四噏到上癮，一時又話人哋「說歪理說到真的一樣」，一時又噴人哋「屎忽當大腦，咁年輕又無恥」，彷彿佢自己就係正義嘅化身，成個「狂來說劍，怨去吹簫」嘅豪俠咁款！
好心淫賤黎慳啲喇，同文一語道破指佢「政治文宣竟賣錢」，根本就係講一套做一套；的而且確，壹淫媒集團在其領導下，宣淫販賤、砌名人影星生豬肉、譁眾取寵為銷紙、捏造新聞、報道失實……淫賤黎自己「江山易改、本性難移」，如今日日亂噏廿四，一味表現自己「縱淫賤，也幸福」，如此傳媒老闆，一味有口話人「無恥」，又點會有公信力呢？
有道是「真實與善意，是媒體的生命」；然則，淫賤黎嘅爛果報，宣淫販賤、誇大失實是例牌菜式，而反中亂港，唯恐天下不亂，更是其一貫特色！淫賤黎之所以愈反中愈過癮，愈亂港愈有運行，一如本報「神州觀察」所分析，淫賤黎即使勾結外國勢力，居然成為北京的座上賓，北京總是在最關鍵時刻出手相助、輸送給養，幫壹淫媒快高長大，從小淫鼠變成大淫魔。
講真，既然北京咁關照淫賤黎，也難怪淫賤黎恃寵生驕，反中亂港愈反愈難收，如今更成日披掛上陣，亂噏一通，鼓吹佔中，不遺餘力。
香港回歸十七年亂足十七年，北京敵友不分、忠奸不辨，一味向港人示範「愛國有罪，賣國有獎」——香港之有今日，北京領導人確實難辭其咎！唐太宗曾說：君，源也；臣，流也。濁其源而求其流之清，不可得矣。很明顯，源頭不清，支流又豈會不濁不臭？不正本清源，去其污毒，任由反中亂港有運行，香港永遠只會是叫囂的亂局！淫賤黎只會愈淫賤，愈幸福！