少東讚死者生前工作勤奮
【本報訊】「我從來冇叫佢要『跑數』，反而佢對自己要求好高，好努力想為公司好，我會畀佢一百分！」身兼前仁愛堂副主席的維多利亞工業集團有限公司少東王敬皓（Wilson），昨對員工自殺身亡感到很可惜和難過，又大讚他擁有很豐富的紅酒知識，加入公司以來工作表現勤奮，是名不可多得的好員工和人才。
員工有困難「幫到咪幫」
對於余訛稱已婚及外母離世而借錢，王指他當時不在港，遂由父親將錢借給他，但不會認為是遭人「欺騙」，坦言：「每個人都會遇到困難，自己幫得到咪幫，起碼我幫咗手，個員工唔會因為錢有煩惱，返工都返得唔開心，所以就算被人呃，我都唔會介意。」其父王錦泉則表示，在賣酒會上認識余，余曾往法國酒莊實地了解和學習，對各類酒認識甚深，入職以來從無遲到，做事交帶又盡責，自殺前更將酒窖鎖匙分別貼上紙仔註明鎖匙用途。
余生前任職的酒窖開業五年，佔地約七千呎，特別從歐洲引進多套恒溫及恒濕裝置，將室溫穩定於攝氏十三度的水平，以及相對濕度在百分之七十五內，酒窖且有極先進的保安系統，據悉投資額逾千萬元，故有「千萬酒窖」之稱。