中環出更：明天更好基金訪美 有大狀跟團
明天更好基金年年都會組團訪問美國，與國會議員、政府官員、智庫、商界等會面，以講解香港社會最新情況，今年亦唔例外。
尋日卓妮喺一個活動上見到基金行政總裁鄧淑德（Karen），佢透露一班基金成員下月將啟程赴美，今年香港因政改諮詢而牽引連串複雜嘅政治議題，擔心團員可能被考起，所以基金特登邀請基本法委員會委員兼資深大律師莫樹聯隨團做外援。
Karen話，今次佢哋將到紐約及華盛頓進行為期四日嘅訪問，形式同往年一樣，主要係向美國政商界及傳媒簡述香港近況。今次照舊由基金執行委員會主席陳啟宗（Ronnie）帶隊。雖然Ronnie一向好講得，又見慣世面，但係今年香港局勢零舍唔同，可能Ronnie驚唔夠講，又可能驚講到口水乾，所以要請專家去應付。咁今次會見嘅最高層政府官員會係邊位呢？Karen笑稱，佢哋仍未知確實人選喎！
卓妮