差館里僭建 屋署懶處理
市區僭建方式五花八門，居於紅磡的陳先生發現，差館里近觀音廟附近有獨立單位以磚搭建而成，單位設有鋼門從行人路直通入內，外觀顯然與相連建築物格格不入，「唔係見有人成日喺道鋼門出入，都冇留意呢到有個建築物，上蓋又係用塊鐵皮加上啲水泥咁封頂，好似好兒戲咁！」
屋宇署發言人指出，派員到上址視察後，發現庭院位置有加建上蓋，已將有關僭建物記錄在案，並按序向有關業主發出清拆令，要求盡早自行安排清拆僭建物。
「屋宇署吓吓都要接到市民舉報，仲要講到清清楚楚個地址畀佢知先肯去跟進，點解呢個部門可以咁懶散？」陳先生不滿當局處理僭建物之態度「懶懶閒」，並在發出清拆令後又未有積極跟進清拆進度，要求從速檢討。