政情：公民講場：佔中投票 龍門搬又搬

佔領中環行動（佔中）六二二公投籌備咗咁耐，已先後多次「搬龍門」，首先自行「篩選」三個具有公民提名元素嘅方案畀市民選擇，當遭受批評後又臨時加多個「阿媽係女人」嘅選項畀市民選擇，企圖催谷投票率，確係自欺欺人。直到呢幾日，佢哋又聲稱模擬投票網站受到大規模網絡攻擊，令系統接近癱瘓喎，因而全力催谷市民到實體票站投票，又決定將網上投票及實體票站嘅投票時間延長一星期，仲預告定若再遇到重大阻滯，會考慮再延長投票時間喎。如果係咁嘅話，不如延長到一個月啦，可能仲谷多啲人投票呀！