立法會鐵路事宜小組委員會尋日召開特別會議，討論港鐵五條新鐵路項目工程延誤問題，有議員批評政府未有好好監督港鐵工程，質疑路政署與港鐵的角色定位不清楚，好似「沙煲兄弟」遇到任何問題「拍拍膊頭就搞掂」。港鐵工程總監周大滄就以「Partner（夥伴）」來形容港鐵與路政署嘅關係，但運輸及房屋局副局長邱誠武同路政署署長劉家強就強調，路政署同港鐵嘅關係分別係監察者及被監察者嘅角色。依家風頭火勢，政府仲唔同港鐵劃清界線咩！
