政情：衝擊立會 黃之鋒中途鬼祟走人

記者追問 疑「妖」字回應

根據上周五晚電視台直播及我哋現場觀察，黃之鋒晚上八點幾鐘喺立法會大門口前面參與推撞，副眼鏡都撞到歪埋。有網台翌日就上載咗一段短片，影到黃之鋒同其他同伴「鬼祟」離開衝擊現場，網台記者追問佢點解唔留喺封鎖線入面，佢只係耷低頭用電話，仲疑似講咗個「妖」字就急急腳走人。我哋問番黃之鋒，佢就話不作回應喎。

網台亦上載咗另一段短片，網台記者問黎汶洛同一個問題，黎汶洛就禮貌咁解釋，當時聯絡唔到同行嘅大肚朋友，想搵番佢確保安全先。網台記者質問嗰位朋友係咪跟咗黃之鋒走，黎汶洛重申同緊警民關係科搵人，唔係搵黃之鋒。