禁食齋飲水 已搣甩三磅
Irons話唔好睇小齋飲水唔食嘢呢招，一來可以有飽肚感覺，唔使再食零食，二來飲完水當然要去洗手間，來來回回就可以令自己保持精神狀態，就算捱更抵夜睇波都唔怕眼瞓。佢之後仲自爆單靠飲水呢招，最近已經減咗三磅，目標係未來減多幾磅至收手喎。
除咗全神貫注投入睇波熱潮，Irons仲小賭怡情，而且有唔少斬獲，但到底Irons捧邊隊，佢就話只係捧贏嗰隊，至於世界盃冠軍心水就睇好阿根廷，原因只有一個，就係隊中有佢至愛嘅美斯。話時話，阿根廷日前喺分組賽首場旗開得勝全取三分叫做有個好開始，至於會否一路戰無不勝笑到最後，就要拭目以待嘞。