渡海濠情：醉倒街頭真失禮
大家飲醉酒，最常見就係醉倒街頭，平時瞓街頂多財物損失，但喺日本你就要小心上埋電視。話說日本有製作公司把瞓街者變為廣告板，仲拍成短片放上網做宣傳，嚟自十八桑拿嘅微微就話：「仲使見人嘅！」
齊齊斷片
微微話：「你飲大咗瞓街個樣已經衰到阿媽都唔認得，仲將佢變成廣告板，之後仲拍短片放上網，畀人見到真係邊度都唔使去，所以我出外飲酒，一定好小心，成班朋友諗住狂歡嘅，就要搵定一個飲少啲，專門負責送飲醉嘅姊妹返屋企，至於同男朋友出去玩，就要睇吓呢個男朋友酒量如何，如果好屎嘅，我就飲少啲，如果好酒量嘅，咁我就可以放縱啲，但男朋友真係唔好信，有一次我先斷片，佢話放心，等陣會送我返屋企，點知最後佢都斷埋片齊齊瞓街！」
高床軟枕
咁樣都得？微微話：「諗起都激氣！所以我後嚟學精咗，出去同大班朋友飲酒嘅話，我會搵啲醉翁之意不在酒嘅男朋友出去，佢哋無心飲酒，只希望等我飲醉，之後就送我去酒店開房，有人話咁咪好蝕底，其實大家相識，整場友誼波又有乜嘢所謂，最重要係有保障，一個女仔醉倒街頭，咁咪仲危險，家陣有人開晒房，高床軟枕咁等我，仲想點呀！而且佢一定會完成任務，唔會冇義氣掉我喺街，咁已經安全好多啦！至於被佢抽抽水，咪當醒畀佢嘅小貼士囉！」
微微Profile
年齡：20歲
三圍：34-23-34
撰文：小德
攝影：阿生