運輸工猝逝 溫馨家失依靠
運輸工人嚴小文兩年前新婚未幾，卻在兒子出生前夕因工傷失去工作能力，一家三口僅靠積蓄及工傷病假薪金過活。惜命運多舛，阿文早前突因心臟病發去世，遺下妻子阿萍與年幼兒子頓失所依，阿萍更為籌措殮葬費而大感徬徨。東方日報慈善基金了解情況後，已從「無力殮葬」專戶撥款二萬六千元，直接向殯儀公司支付相關費用。
「佢過咗咁多關，一路都話好快可以出院，點知突然間就走咗！」談到丈夫離世，阿萍仍未能接受事實，甚至一度自我安慰阿文只是「瞓咗覺」，可惜一切已成定局。阿萍指，年僅三十六歲的阿文生前於物流公司當送貨工人，收入僅足餬口，兩年前卻因工傷令雙手無法用力，未能工作，「嗰陣囝囝就嚟出世，真係好徬徨，不過老公唔肯攞綜援，話要留畀有需要嘅人，但試過周圍搵工都冇人肯請。」
意外後，阿文一家三口只能靠積蓄及工傷病假薪金維生，並租住元朗偏遠村落的小單位，生活雖然艱苦仍不失溫馨。阿萍指丈夫即使工傷後身體變差，雙腳又不時腫痛，仍不忘為她送上驚喜和承諾，「就算腳痛都帶我出街食飯慶祝生日，仲有我哋結婚嗰陣冇擺酒同影相，佢應承我遲啲環境好就同囝囝一齊補番，點知……」
阿萍指阿文患有心臟病多年，今年四月初突因心口翳痛及呼吸困難入院，情況一度好轉，更有望出院，未料病情竟於一夜間急轉直下，一家從此陰陽相隔，「醫生話夜晚見過佢都好精神，點知轉個頭佢就暈咗喺廁所，救都救唔番，我到依家都仲未接受到。」
照顧稚子 遺孀難工作
丈夫突然離世不但令阿萍傷心不已，亦大感前路茫茫。為照顧年僅兩歲的兒子，阿萍無法抽身工作，只能申領綜援金過活，現時亦正輪候公屋單位，「囝囝就嚟要報幼稚園，呢度唔知仲可以住幾耐，綜援又未批，都唔知去邊度搵學校好。」對於基金的及時施助，阿萍坦言猶如「及時雨」，「依家起碼唔使擔心老公嘅身後事先，可以向前望，好好咁湊大個仔。」
捐款編號：12553
記者：林松澧