稱九月有啲事
而委員會尋日最新發出嘅通告竟顯示，十名報咗名嘅議員之中，馮檢基竟然以自費方式參加，似乎阿基真係好有心同好有金喎！不過，一問之下先發現，原來佢已退出今次訪問團，莫非係縮沙唔肯自費去考察？
阿基解釋，只係九月咁啱撞正有啲事，要離港去英國，所以參加唔到北歐考察團。至於其餘九名報咗名參與外訪嘅議員又點呢？據悉，四名建制派議員因為未用晒任內嘅外訪帳目，所以都可獲全費資助，但五名泛民主派議員就因為部分人已用晒任期內嘅外訪帳目，所以秘書處只可提供三個資助名額，最後佢哋五人就分享呢三個資助金額喎。