蘭桂坊睇波氣氛勁過茶記
世盃熱潮席捲全港，前日凌晨睇波熱點中環蘭桂坊的酒吧人頭湧湧，齊齊捱眼瞓欣賞揭幕戰巴西對克羅地亞睇天光，其他商場亦食住世盃熱，舉辦多項有關足球的活動及賽事直播，務求催谷人流帶旺生意。
蘭桂坊的酒吧凌晨零時許已開始聚集人流，至凌晨四時開幕戰巴西對克羅地亞開鑼，氣氛漸趨熱鬧。相比之下，灣仔區的酒吧及茶餐廳，觀看開幕戰的顧客不多，尖沙咀梳士巴利道凌晨三時只有三、四間酒吧仍開門，顧客人數不多，球賽開始時，不少南亞裔人士駐足在門外睇波。
此外，全港各大商場世盃活動接踵而來，前日凌晨起直播揭幕戰。apm連續第三屆舉辦直播活動，不少球迷提前三個小時到場「霸位」觀賞巴西對克羅地亞揭幕戰。商場為怕球迷「瞌眼瞓」，特意安排連場勁歌熱舞及抽獎遊戲，更派出火辣性感女郎「刺激」球迷眼球。
