車行私設「斜台」途人陷阱
屯門洪祥路有車行疑為方便汽車進出，自行於行人路壆擺放斜台，然而斜台由多支長約兩米、光滑的水喉管砌成，每遇天雨頓成「跣人陷阱」。陳先生日前於天氣惡劣下途經上址，忙於過路期間疑未有察覺斜台，因而滑倒引致焦頭爛額，更需送醫院治理，「擺個斜台喺度咁危險，跣親啲老人家嗰時點搞呀？」
途經容易跣倒
路政署發言人指該署屬工務部門，負責維修及保養轄下道路設施，並定期派員巡查，如發現路面或附屬道路設施有破損，會適時維修。發言人稱上述未經批准而放置道路的物件不屬該署管轄範圍，而經派員視察後，發現有關物件已被移除。
「我跌傷之後報過警，當時警察叫車行收埋個斜台，路政署又話唔關佢哋事！」陳先生強調並非針對斜台阻街，而是斜台設計易令人滑倒，成為路面陷阱，要求當局定期檢視有關地點，保障行人安全。