社民連立法會議員梁國雄早前喺立法會發動拉布戰，針對財政預算案提出逾千項修訂，最終被立法會主席曾鈺成剪布，預算案已於日前三讀通過，長毛亦直認今次拉布失敗。尋日佢又畀高等法院，就三年前嘅遞補機制論壇衝突案判佢即時入獄，雖然佢今日就會上庭申請終審上訴及保釋候審，但懲教署最後仍依例幫佢剪掉「招牌」長髮，繼○○同○二年之後，再一次「長毛變短毛」，認真失威。
