【本報訊】賭仔IDD投注增加警方追查難度。據悉，不少賭仔買外圍，會用海外太空電話卡打長途電話落注，由於太空卡毋須登記，加上可能涉及多個國家，大大增加了警方追查及蒐證困難，變相令賭仔有機會「甩身」。執業大律師陸偉雄指，不論是任何方式，任何人在除馬會地方以外投注，即屬犯法。警方指集中資源打擊外圍莊家的同時，亦會留意賭仔投注模式，呼籲市民勿以身試法。
賭仔阿成十二年前首次賭波，更親赴澳門開設賭波戶口，起初只賭十元百塊，但隨即泥足深陷，四年後欠下數十萬元賭債要破產，當文員的他月入萬餘元，一場波就可賭去五千元，破產令解除後他繼續沉溺賭海，今年初再欠下外圍波數，急於找數下，阿成險淪為走私集團成員，阿成嘆謂：「賭外圍波可以廿四小時咁賭，好難忍，本來已經因向朋友借錢還波數而咩朋友都無晒，今次仲差點犯埋法，終於識驚，世界盃對我嚟講，簡直係噩夢！」
平和基金諮詢委員會主席邱榮光稱，戒賭輔導機構在世界盃後收到的求助個案急增五成至超過一倍，坦言：「周圍都宣傳世界盃，個氣氛會令賭徒賭大啲，記住唔好當班球員係賭枱上啲骰仔，欣賞球星球技唔賭波，睇世界盃先會開心。」馬會發言人稱，本港非法外圍賭博問題嚴重，據估計，每年香港市民輸掉給非法外圍賭博集團的賭注高達一百二十億港元。