政情：公民講場：「盛事」成效 一味靠估

立法會政府帳目委員會尋日繼續就審計報告批評盛事基金運作部分進行公開聆訊，多名議員質疑龍獅節主辦單位未有向基金提交報價單、發票及員工紀錄等資料，同時亦冇實際數據證明項目成效已經達標。旅遊事務副專員羅淑佩承認，由於基金職員人數有限，在現場觀察所填寫嘅觀察報表，只是「觀感上」認為活動可達標，無法在現場準確地統計人數，換言之即係一味靠估。至於單據方面，龍獅節召集人陳鑑林話主辦單位只係向參與者提供車馬費，所以冇單據，而過去基金亦只係抽查單據，一直未有存檔。基金管理咁混亂，如果最終冇人負責，實在難以平息公憤。