政情：董吳玲玲預咗畀人話「洗腦」
港人成日以擁有獅子山精神為傲，但呢種精神依家係咪仲存在呢？仁濟醫院前主席董吳玲玲前日出席新界社團聯會（新社聯）嘅活動時透露，佢依家忙於籌辦一個慈善機構，希望喺十月之後會成立，而呢個機構係以個人名義搞嘅，以青年人及小朋友為服務對象，希望可以畀社會有多啲正能量，喚醒港人嘅獅子山精神喎。董太成立呢啲機構，唔驚被人話搞洗腦咩？
董太話，預咗有人咁講啦，但香港近年太多悲劇發生，社會需要多啲人去關愛，小孩又要有正面思想，所以唔存在洗腦問題喎。
將搞慈善機構助青少
佢仲話，到時可能會搵埋新社聯合作都未定，總之暫時以地區為起步，希望以後會發展成一個全港性嘅機構。新社聯理事長陳勇就話，如果董太搵佢哋合作，一定會支持，因為社會需要更多正能量，以理性態度分析每一件事喎。