沙田：泳池維修網頁標示不清

「去到門口先知」

黃太說：「我去之前已經特登上網睇吓泳池有冇暫停開放，點知去到先喺門口見到話主池維修。」

康樂及文化事務署發言人表示，沙田賽馬會游泳池主池每年會安排於四月進行年度維修，今年的維修工程定於四月十六日至六月五日。康文署除於泳池入口張貼告示外，亦有發放新聞稿，並透過網頁通知市民。

「我唔係成日喺呢個泳池游水，都唔係好清楚佢幾時維修，不過喺『泳池暫停開放公告』個網頁真係睇唔到。」黃太指事後於泳池資料網頁發現有關安排，認為康文署可同步於「泳池暫停開放公告」網頁中列明有關安排，以方便市民。