公屋通告僅中文 漠視非華裔
房署公開發放的告示及宣傳資料均以中、英文印製，居於葵涌大窩口邨的羅先生發現，部分張貼於升降機大堂的通告僅得中文，「嗰張講大廈維修嘅通告只得中文版，但有啲住客例如係南亞裔人士，可能唔識睇中文，點解房署冇理到佢哋？」
房署認忘記準備
房署發言人承認，大窩口邨辦事處早前突接通知指，維修合約承辦商需於兩日後在部分單位外牆搭建棚架，以便展開露台石屎剝落維修工程。因時間緊迫及急於通知，職員忘記準備英文版。辦事處已提醒職員，即使情況緊急，日後須以中、英文通告知會住戶。「出份通告有幾難，呢啲係份內事，幾趕都好都要做齊先啱！」羅先生冀房署加強監管前線職員的工作。