翻新公廁 承辦商拖逾半年
「個公廁封咗半年都未搞掂，究竟有啲咩特別要搞咁耐？」居於香港仔的唐先生指出，湖南街公廁毗鄰香港仔巴士總站，平日使用者不乏候車市民。但公廁自去年九月關閉維修後，至今仍是開放無期，「好多人搭車之前都會想去一去廁所，尤其是老人家，冇咗個廁所對佢哋嚟講真係好唔方便！」
建築署：已發信警告
食物環境衞生署發言人證實，湖南街公廁於去年九月起交由建築署進行翻新工程，涉款約一百六十萬元，原訂於今年一月底竣工，惟其後接獲建築署通知，指承辦商工作進度有延誤，預計於六月底才重新開放。建築署發言人則說，已多次發信警告承辦商，並將有關情況記錄在表現報告上。
唐先生坦言不滿部門監管不力，令市民承受苦果，「如果食環署同建築署一路有做好監督，個工程就唔會延遲咗成倍時間啦！」