立法會就財政預算案撥款「拉布」已將近一個月，但一直只有寸進，主席曾鈺成尋日終於宣布「剪布」，希望下月四日前通過預算案，多名議員質疑曾鈺成受政府指示，其實心中早有「死線」，曾鈺成就死撐話冇受到政府壓力。有份「拉布」嘅「長毛」梁國雄即時提出規程問題，直指主席唔能夠講大話，點知曾鈺成竟然反問《議事規則》邊一條話主席唔能夠講大話呢？變相承認自己攞正牌講大話。雖然大家知道主席呢齣「剪布騷」一早同政府夾定，但都唔使為咗反駁長毛而講到咁白嘅！
