長者盤中飧 粒粒顯關懷
「一粥一飯，當思來處之不易」，都市人豐衣足食，珍惜食物或已被視為老土過時，惟對飽受通脹之苦的基層長者來說，每餐安樂茶飯皆得來不易。東方日報慈善基金自九八年起舉辦「粒粒顯關懷」贈米計劃，每月透過志願機構與長者住屋，為近六千名有需要長者送上白米，善長的每分捐助均為一份關愛，並將悉數化為長者碗中白米。
鍾婆婆：將開心送出去
「退休之後做咗十幾年義工，幫到人個人都會開心啲，係會愈幫愈健康！」八十四歲的鍾蘭女年輕時辛勤工作，退休後仍未肯言休，一直參與義務工作。鍾婆婆坦言，退休長者囿於經濟難有特別消遣，當義工除可幫助其他有需要人士外，亦是保持心境開朗的妙法。
鍾婆婆深明助人自助之道，既受惠於贈米計劃，每月亦會協助長者中心派米，笑指可與其他受惠長者「以米結緣」，「幫手派米就好似將一份開心送出去咁，令到我識到唔少好朋友，呢度好多人笑我係『飯桶』，因為我餐餐都食兩碗飯。」
八十八歲的黃卓敖可謂兒孫滿堂，雖然妻子經已離世，而子女亦因各自組織家庭而未能同住，但每逢佳節總會聚首一堂，令黃伯大感安慰，「我有十幾個孫，曾孫就更加多到都記唔清有幾多個啦！」近年百物騰貴，黃伯坦言兒孫各為養妻活兒而奔波，難有餘力供養自己，退休後只能靠綜援維生，「以前我做製衣同皮鞋工人，帶大六個仔女，但係依家咩都咁貴，養大個細路仔嘅使費好大，有錢都想啲後生留低，好彩你哋送米畀我，可以慳番一筆。」
呼籲捐輸 更多人受惠
白田浸信會愛鄰中心幹事張艷萍表示，受惠長者全屬以綜援維生的獨居長者，贈米計劃不僅減輕他們的經濟壓力，亦送上關懷，「米飯雖然係必需品，但依家通脹咁犀利，好多長者每餐都要限住自己食幾多，唔係嘅話月尾就好難捱！全靠善長嘅幫忙，啲老友記先唔使勒緊褲頭。」張呼籲善長踴躍捐輸，令更多有需要長者受惠。
捐款編號︰16333
記者︰黃芷君、呂耀焜