渡海濠情：多食番茄 治不育者?
美國有研究發現番茄內嘅茄紅素，竟可以改善男人精子嘅數目同質量，而增加精子嘅數量，最高可達70%，專家們正開始為期一年嘅研究，睇吓番茄對不育人士有冇明顯嘅幫助，而嚟自大富豪桑拿嘅小芸就話：「我信呀！」
身體強壯
小芸話：「我以前有個男朋友，佢戰鬥力十分驚人，同佢一齊真係成晚都唔使瞓，第二朝佢瞓一陣就精神爽利，又打波又游水都仲可以，但我就攰到死，唔瞓番三五七日都回唔到氣！所以我覺得佢好奇怪，一直留意佢有啲乜嘢奇怪嘅飲食習慣，點知畀我發現佢最喜歡食番茄，一朝早唔飲牛奶就飲鮮榨番茄汁，到下午嗰餐就一定同番茄有關，唔係番茄牛肉飯，就一定係番茄豬扒飯，夜晚嗰餐就冇乜特別，但閒時唔食生果，反而喜歡食車厘茄！」
失去筍盤
除咗精力過人，你男朋友仲有乜嘢特別呢？小芸話：「講起佢嘅好嘢，真係講幾日都講唔晒，佢又細心，又靚仔，又有錢！原本諗住嫁畀佢就算，但係佢實在太優秀，身邊由朝到晚都有大把靚女圍住佢轉，而我就又懶又窮，邊度夠人爭吖！惟有眼白白畀人搶走個筍盤囉，但自此我每次食番茄都會想起佢，一諗起佢就想起同佢夜夜瘋狂嘅情景，搞到生理上都馬上有反應，只可惜之後嘅男朋友，冇一個好似佢咁勇猛，所以搞到我到喉唔到肺呀！」
小芸Profile
年齡：20歲
三圍：34-24-35
撰文：小德
攝影：阿昌