偉業街違泊嚴重 阻交通
觀塘偉業街違泊情況普遍，嚴重影響交通。郭先生指該處為商貿區，平日車流甚多，不少車主為貪方便隨處停泊，即使禁區亦不例外，造成擠塞。「有禁區同冇禁區都冇分別，佢哋一樣照泊車上落貨，咁點會唔塞！」
警一個月發295張告票
警方發言人表示，過去一個月已接獲三十二宗上址車輛違泊及汽車阻塞投訴，並在相應執法行動中發出二百九十五張告票及一百一十二次口頭警告。接獲本報轉介後已即時派員跟進，向違例車輛執法。經多日巡查後，情況已有明顯改善。
「商貿區有好多合法落貨位同泊位，但仍然有好多司機貪方便喺工業大廈門口直接落貨，一多車就會塞死晒！」觀塘區議會交通運輸委員會委員顏汶羽要求警方盡快加強執法力度，並應重新規劃及完善上址道路網絡，以徹底改善擠塞情況。