拆僭建慢吞吞 市民鬧爆
「就咁用鐵皮喺天台搭個頂，如果打風容咩易吹一塊落嚟？有人中頭獎就分分鐘連條命都要畀埋佢！」於紅磡工作的唐先生不時行經漆咸道北，發現有大廈天台僭建物僅以鐵皮搭成，擔心倘遇強風或將危及途人性命，「屋宇署呢啲係咪叫心存僥倖，一日唔出事就拖得就拖？」
屋署：已申請封閉令
屋宇署發言人證實，涉事僭建物早已記錄在案，屬優先取締類別，並於一二年向有關業主發出清拆令，惟於期限過後仍未有遵守，現已向法院申請封閉令以封閉涉事天台，亦會安排政府承辦商拆除僭建物，再追討相關工程費用。
不過，唐先生坦言對屋宇署的回應「唔收貨」，要求盡快落實清拆，以保障市民安全。「成日都話出清拆令，但係就好少人理，希望屋宇署坐言起行，快啲搵人去拆咗佢，如果唔係拖多一陣又到風季，市民又要擔驚受怕！」