恐襲事件四起，旅客心慌慌，港人外遊如何是好？有保險業界人士表示，現時不少旅業保險已包括「恐襲保」，旅客可以按需要投保，買個安心。
香港保險業總工會理事長張偉良指出，自從美國「九一一」後，「恐怖襲擊」四字備受保險業界關注，現時本港不少大型保險公司提供的旅遊保險，亦會涵蓋恐襲，「如果事件最後被當地政府定性為恐襲，保單就可以cover（覆蓋）。」張稱，由於遇上恐襲的機會較微，保費不會太貴，「最多都係（比普通保單）貴一成，有啲甚至一樣價（格）」，惟他教路，市民應留意保單詳情，「有啲斬甩咗隻手冇得賠，有啲畀人斬就賠，呢啲就係細則嘅分別。」
另外，有常到新疆的旅遊人士指出，當地部分地方的居民「疆獨」意識較高，相對與漢人出現矛盾的機會較大，「不過主要係意識形態上，依家未至於（漢人）一去到就會畀人斬。」他提醒，遊新疆要多注意風俗習慣的不同，「例如買嘢，（港人）好多時鍾意講價，講完又唔買，當地人好唔鍾意呢點，會覺得你玩嘢，衝突往往就係因為咁而發生。」