激進泛民主派議員已就財政開預算案撥款審議展開「拉布」戰，財政司司長曾俊華（鬍鬚曾）束手無策，只好繼續出口術呼籲議員停止「拉布」。鬍鬚曾尋日在網誌上批評「拉布」議員「做騷」，又估計醫院管理局因而少收利息收入約一百萬元，呼籲議員「回頭是岸」喎。不過，「拉布」議員梁國雄及陳偉業就反指鬍鬚曾嘅言論係侮辱議員，反指鬍鬚曾係度「做戲」。如果鬍鬚曾真係做戲，相信佢係扮緊「貧僧」叫人「回頭是岸」，但希望佢下次唔好激氣得滯連「助語詞」都出埋啦！
