| 我要讚讚你： | ||
| 我要讚讚你：鳥瞰不一樣的世界與人生 | ||
抬頭看着蔚藍的天空，卻彷彿是乘坐輪椅的人士遙不可及的蓬萊。「好開心！終於可以實現到自己嘅夢！」成功「飛天」的輪椅使用者榮輝，十六歲時因一次跳水意外導致四肢癱瘓，自此生活與輪椅為伴，每天只對着四面牆的「牢籠」，由於住所沒有升降機設備，居住廿五年來，他只曾出過五次門，每次均是往醫院的急症室。
領略「天上人間」
「以前成日喺病房望住天空嘅飛機，所以好想試吓由天空望番落去會係咩感覺。」曾一度入住療養院的榮輝更指，最想飛去以前住過的療養院，由另一角度去看看那間病房，雖然最終行程未能到達，榮輝仍為這次飛天之旅感到欣慰。
「唔會覺得驚喎，不過上面望落嚟，我覺得墳場最靚，突然諗到，人一生打拚只係可以住喺細小嘅單位，死咗之後反而可以住得闊落啲，其實都幾好笑。」回想在天上的快樂時光眨眼就過，榮輝直言第一次飛上天空，世界變得不一樣，對人生有了新的看法，坦言非常感激義工為他完夢。