朗屏站：西鐵廣播聲吵 嚇窒乘客
關小姐日前於西鐵線朗屏站B出口出閘，期間廣播系統突然以高音量播放音樂，聲浪之大令關小姐「嚇咗一嚇」，「又唔係重要廣播，普通音樂使唔使校到咁大聲？」關小姐要求港鐵公司檢查有關廣播系統，並將音量調低，為乘客提供舒適的車站環境。
港鐵：安排職員維修
港鐵公司發言人證實，朗屏站職員早前已察覺B出入口的廣播音量較平日為大，站內其他地方的廣播則正常，已安排職員維修檢查及調低聲浪，對問題擴音器組件進行維修。發言人承諾會繼續密切監察車站廣播系統運作。
「我呢幾日都有再經過，但啲音樂有時都仲係好大聲！」關小姐指朗屏站廣播系統過去亦頻頻出現問題，要求港鐵公司全面檢查及更換站內有問題的廣播系統，「啲職員日日都喺站入面，冇理由發現唔到問題，明知啲系統壞就應該早啲換！」