政情：公民講場：「罪人」有錢分點對得住市民

高鐵工程延誤風波升級成為港府誠信危機，但班港鐵高層仍然不知悔改，雖然呢個話辭職，嗰個話不獲續約，但人人都拎住天價高薪同豐厚花紅走人。港鐵行政總裁韋達誠明年不獲續約，依然可以攞足年薪兼花紅合共二千二百萬。另一位自動辭職、半年後走人嘅工程總監周大滄，如無意外最少有七百萬元年薪加二百萬元花紅。如果呢兩位高鐵「罪人」可以唔使受到任何懲罰，試問港鐵點對得住股東、點對得住市民呢？同時難免令人質疑港鐵隱瞞高鐵延誤係為咗保住兩人嘅巨額花紅。