上水幼稚園學位緊張，家長好多時候都要畀留位費，但「留位費」呢個現象，最近竟然蔓延至建制派活動。
話說有同鄉會打算喺五月搞場包括撐政改、反佔中嘅盆菜宴，但每圍參加者要交五百元留位費，如果盆菜宴當日湊夠最少八人先可獲退還全數款項。咁緊張出席人數，似乎係要「交數」多啲喎，莫非同鄉會怕參加者會甩底？最搞笑係同鄉會講明反佔中，理應喺中環附近一帶搞盆菜宴先至正路，但今次反而殺入上水某中學搞盆菜宴，係咪有啲騎呢？
（互聯網）
